Tuesday, April 22, 2008

"ഒന്നും ആയില്ല. അല്ലേ..??"

അന്ന് ഞാന്‍ പണിയൊന്നുമില്ലതെ തെക്ക് വടക്ക് നടക്കുന്ന കാലം...അപ്പോഴാണ് ചെല്ലപ്പേട്ടന്‍ എന്നോടാദ്യമായി ചോദിച്ചത്....
"ഒന്നും ആയില്ല. അല്ലേ..??"
പിന്നീടൊരു ജോലി കിട്ടും വരെ ചെല്ലപ്പേട്ടനെ കാണാതെ മുങ്ങിനടന്നു....ഒടുവില്‍ ഭാഗ്യത്തിന് ജീവിക്കാന്‍ വേണ്ട ഒരു ജോലി കിട്ടി.വീട്ടുകാര്‍ എന്റെ കല്യാണാലോചനയും തുടങ്ങി അപ്പോഴണ് ചെല്ലപ്പേട്ടന്‍ പഴയ ചോദ്യവുമായ് മുന്നില്‍ പെട്ടത്.......
"ഒന്നും ആയില്ല. അല്ലേ..??"
ഇനി ഒരു കല്യാണം കഴിക്കാതെ ചെല്ലപ്പേട്ടന്റെ മുന്നിലെത്തില്ലെന്ന് പ്രതിജ്ഞ എടുത്ത് കഷ്ടപ്പെട്ട് മുഖത്ത് ഒരു ചിരി ഒട്ടിച്ചു വെച്ച് ഞാന്‍ നടന്നു.....ഒടുവില്‍ ഭാഗ്യത്തിന് ഒരു പെണ്ണും കിട്ടി..അങ്ങനെ രണ്ടു വര്‍ഷം കഴിഞ്ഞപ്പോള്‍ ദേ, ചെല്ലപ്പേട്ടന്‍ വീണ്ടും മുന്നില്‍....
"ഒന്നും ആയില്ല. അല്ലേ..??"
അങ്ങനെ ഇരിക്കെ ഒരു മകന്‍ പിറന്നു...ലവനെയും കൂട്ടി ഇനി എന്നോട് എന്തു ചോദിക്കും ചെല്ലപ്പേട്ടന്‍ എന്നും വിചാരിച്ച് തല ഉയര്‍ത്തി ചെല്ലപ്പേട്ടനെ ഒന്നു കണ്ടു കിട്ടാന്‍ നടക്കുന്ന കാലത്താണ് എനിക്ക് ഒരു ആക്സിഡന്റ് പറ്റിയത്.ഐ സി യു വില്‍ ആരോടും സംസാരിക്കരുതെന്ന് ഡോക്ടര്‍ പറഞ്ഞിരുന്നെങ്കിലും ചെല്ലപ്പേട്ടന്‍ കാണാന്‍ വന്നപ്പോള്‍ ചോദിക്കുന്നതിനു മുന്‍പെ തന്നെ ഞാന്‍ പറഞ്ഞു...
"ഉം..മിക്കവാറും അടുത്തു തന്നെ ഒരു തീരുമാനമാകും..."
വര്‍ഷങ്ങള്‍ പലതു കഴിഞ്ഞു...ഇപ്പോള്‍ നാട്ടില്‍ ചെല്ലപ്പേട്ടനില്ല..പക്ഷെ ഒരുപാട് ചെല്ലപ്പേട്ടന്‍ മാരുണ്ട്...!!

1 comment:

ഉപചാപങലുദെ രാജകുമാരന്‍ said...

KALAKKI TOO.. KURACHE ULLELUM ENNE CHIRIPPICHU KALANJU KALLAN...

ONNUM AYILLA ALLE..
JEEVANODE UND ENNU VISHWASIKKUNNU...