പ്രണയം
======
ഒരിക്കലും
ഉണങ്ങരുതെന്ന്
ആഗ്രഹിച്ച ഇടം
കയ്യിലെ കരിയാത്ത
നോവ്
മുറികൂടുന്തോറും
ചൊറിഞ്ഞു മാന്തി
പൊറ്റപൊട്ടിച്ച്
ആഘോഷിക്കാറുണ്ട്
ചോന്ന ചോരത്തുള്ളികള്
ജീവിതം
========
ഒളിച്ചുവെച്ച്
ഒറ്റതിരിഞ്ഞിരിക്കെ
ഒറ്റശാസത്തില്
ഒരൊറ്റ പൊട്ടിത്തെറിയാണ്
മേശമേലെ തുറുപ്പ്
ജാക്കിനെയും കിങ്ങിനെയും
ഒരൊറ്റവെട്ടിനു പിടിച്ച
ഒരു രണ്ടാം നമ്പര് കൂലി
സൗഹൃദം
=======
ഒരുപാട്
നോക്കിയതാണ്
അകലേക്കകലേക്ക്
ഓടി ഒളിക്കാന്
എത്ര ഓടിയാലും
കിതച്ചു നിക്കുമ്പൊ
തലക്കുമീതെ
തുറിച്ചു നോക്കും
ഒരൊറ്റ സൂര്യന്
കവിത
======
മുഴുവന് എഴുതും മുന്പെ
മഷിതീര്ന്നതിനാല്
കടലാസു താളില്
അറിയാതെ മുനകൊണ്ട്
കോറിയ ഒരു അക്ഷരക്കീറ്
ലക് ഷ്യം
=======
ചുഴിയിലേക്ക്
വലിഞ്ഞു വീഴവെ
പറന്നു ചാടുമ്പോള്
ആകാശത്തില്
ശ്വാസം മുട്ടിത്തുടങ്ങിയ
ഒരു മത്സ്യം
.
Thursday, March 3, 2011
Subscribe to:
Post Comments (Atom)
3 comments:
ആദ്യമായാണ് ഇവിടെ എന്ന് തോന്നുന്നു, വായിച്ചു ഇഷ്ടപ്പെട്ടു ...
Beautiful Words Bhaii :)
Awesome words..lines... :)
Post a Comment